-10 °С
Пылан
Все новости
СВО-со шкенан-влаклан полшена
5 Ӱярня , 11:50
Тылын геройжо-влаклан чапле пайрем
8 Март вашеш Шаран районышто чулым волонтер ӱдырамаш-влакым саламлышт. «Сильные духом: праздник женской доброты и заботы» пайремым Самырык-влакын рӱдерыштышт эртарышт. Тушто районысо сельский поселенийла гыч 65 эн чолга волонтерым палемдышт. Нунын коклаште Акпарс ял гычат 11 волонтер лийынна. Ӱдырамаш-влаклан таумутан серышым да ныжыл тюльпан аршашым кучыктышт. Пайрем жапыште районысо кажне волонтер тӱшкан пашаже нерген презентацийым, слайд-влакым куанен ончышна. Самодеятельный артист-влак сылне муро-влакым пӧлеклышт.
Волонтер-влак чын патриот шӱлышан улыт. Нуно уло кумылын СВО-лан полшат, тӱрлӧ сомылым шуктат: маскировка сетьым, шокшо носким пидыт, боец-влаклан посылка-влакым, госпитальлаш шуко полышым колтат.
Пайремыш почетный уна семын СВО-н участникшым, госпитальыште медшӱжар-анестезистлан ыштыше Л. Исхаковам ӱжыныт ыле. Зирикле ялын ӱдыржӧ 2023-шо ий ноябрь гыч СВО-што лийын, 2026-шо ий январьыште ийготшо лекмылан кӧра мӧҥгӧ пӧртылын. Ленам чылан совым рӱж кырен вашлийна. Ӱдырамаш, изиш вожылынрак, но кугешнен, районысо волонтер-влаклан тауштымо мутым ойлыш. «Волонтер-влак моткоч кугу йодмашым шуктат. Гуманитарный машина дене госпитальыш шуко полыш мия. СВО кайыме верлаште шкенан землякна-влакым ужын, кугешныме кумыл лектеш. Госпитальыштат сусыргышо-влаклан родо-тукымыштын, лишыл еҥыштын эҥертышышт моткоч кӱлешан. Тиде да тыгак молан тушто улмыштым умылымаш боец-шамычлан вийым, сеҥымашлан ӱшаным ешара», - каласыш Лена Исхакова.
Новости партнеров