Пилотдымо система-влак войскам чумырат

Тиде мо нерген?

Башкирийыште пилотдымо система-влак войскаш набор тӱҥалын. Тиде кодший Верховный главнокомандующий Владимир Путинын да оборона министр Андрей Белоусовын пунчалышт почеш ыштыме у войска-влак. Тудым чумыраш шонымаш шукертак иланен. Оборона министерствын «Красная Звезда» изданийжын увертарымыж почеш, СВО кайыме верлаште дрон-влак полшымо дене 80 процент наре огневой задача шукталтеш. Кызытсе вооруженный конфликтлаште тыгай средства-влакын рольышт моткоч кугу - войска-влакын ончылно улмышт шукыжым пилотдымо система-влак дене пайдаланыме деч шога. 

Ончыч дрон-влакын операторышт вес военно-учетный специальность дене шотлалтыныт, а ынде нунын пашашт официальный да эше кӱкшӧ статусым налын.

Кызытак раш: тиде кӱкшӧ квалификациян, сайын ямдылыме, автомат дене огыл, а джойстикым моштен виктарыше сарзе-влак лийыт. Тидлан кӧра нунылан посна, молын деч ойыртемалтше условийым ыштат, да тушто вержат чотан лиеш. 

Тиде контракт моло войскасе служба деч мо дене ойыртемалтеш? 

Тыгай контрактник-влаклан выплата, льгота да социальный гарантий-влак моло сарзын гаяк, но эше ешартыш сай ойыртем-влак улыт. 

Служба лӱдыкшыдымы-рак, молан манаш гын боевой соприкосновений линий деч тораште эрта.

Контрактым фиксированный жаплан, эн шагалже ик ийлан, ыштат. Тудо мучашлалтмеке, увольненийыш лекташ але весым ышташ лиеш. 

Контрактыште военнослужащийым тудын кумылжо деч посна БПЛА-м виктарыме дене кылдалтдыме вес специальностьыш але вес тӱрлӧ войскаш кусараш ок лий манын палемдат.

• Студент-влакынат контрактым ышташ правашт уло, нуно академический отпускым налын кертыт, служба деч вара бюджет верыш (вер уло гын) тунемаш пӧртыл кертыт.   
• Тушманын цельышкыже сайын логалме дене ойыртемалтмылан 50 000 гыч 500 000 теҥге марте ешартыш оксам тӱлат.

Контрактым кӧ ыштен кертеш?

Тыгай кандидат-влак кӱлыт: 

Пӧръеҥ-влак Российын гражданинже лийшаш улыт. У подразделенийлаште ӱдырамаш-влаклан военно-учетный специальность уке.

FPV-дрон оператор-влакын ийготышт - 18 гыч 35 ий марте, моло специалист-влаклан - 18 гыч 45 ий марте. 

Кап-кыл дене виян да сарзе службылан тазалык шотышто йӧрышӧ.

Образований 9 класс деч ӱлыш лийшаш огыл.

• Службым эртыме опыт деч поснат налыт.
• Неле судимость лийман огыл. Моло судимость шотышто айдемым индивидуально аклат. 
• «Геймерский» манме опытым але радиосамолетым/дроным виктарен моштымашым, аэродинамикын да дронын «шкем кузе кучымыжын» негызшым умылымашым,  пилотдымо юж судно-влакым виктараш тунемме сертификат ден свидетельство-влакым поснак кӱкшын аклат. 

Моштыдымо еҥым туныктат мо?

Да, сайлымашым эртыше да контрактым ыштыше чыла кандидат специализированный тунемме рӱдерлаште ондак кок тылзе тунеммашым эрта. Нуным пилотдымо системым ачалаш, настраиватлаш, программироватлаш, 3D-моделирований да 3D-печать сферыште пашам ышташ, тӱрлӧ - южысо, мландӱмбалсе, вӱд ӱмбалсе, вӱд йымалсе, тыгак коммерческий БПЛА - дене пашам ышташ туныктат. Программыш тыгак IP-сетьым чоҥымаш, радиокылым ыштымаш, топографий картым лончылымаш, инженерный сомылым палымаш, боеприпас-влак дене пашам ыштымаш да транспорт средствам виктарымаш пурат. Курсым тунем лекмеке, нунылан келшыше военно-учетный специальностьым пуымо нерген свидетельствым кучыктат. 

Еш-влаклан могай льгота уло?

Контрактым ыштыше чыла еҥлан 1 400 000 теҥге единовременный оксам, тулеч вара тылзе еда эн шагалже 220 тӱжем теҥге (воинский званийым, должностьым, ийгот шотышто выслугым шотыш налыт) тӱлат, льгота-влак дене пырля боевой действийын ветеранын статусшым пуат. Боевой задачым поснак сайын шуктымылан дрон-влакын операторышт 50 тӱжем гыч 500 тӱжем теҥге марте ешартыш шийвундым налыт. 

Тылеч посна Башкирийыште СВО-н участникше-влакын уло ешыштлан 50 утла льгота пашам ышта. Нунын коклаште: 

- йоча-влаклан: школлаште шокшо кочкышым тугок пукшымаш, шӧр кухньо гыч кочкыш-йӱыш, автобуслаште тугок коштмаш, йочасадыште вер, колледж ден вузлаште тунеммаш да общежитий, каныш лагерьлаш путевка.

- еш-влаклан: южо налогым тӱлыдымаш, кредитный каникул, илыме верым рыночный ак деч ӱлышрак налаш йӧн, выставка ден концертлашке тугок билет да молат.

Кушко йодын мийыман?

- Шкендан военный комиссариатыш;

- Контракт почеш военный службым эрташ ойырымо пунктыш (Уфа, Революционный урем, 156-ан пӧрт);

- «Госуслугышто» йодмашым кодаш лиеш.

Пеленда паспортым, военный билетым (уло гын), ешым чумырымо да икшыве шочмо (уло гын) нерген свидетельствым, образований нерген документым налман.

Контракт почеш службым эртыме шотышто «шокшо линийын» телефонжо - 122.