-23 °С
Пылан
Все новости
СВО-со шкенан-влаклан полшена
8 теле 2025, 10:35
Шочмо элым аралыше-влак шӱмыштына илат
9 декабрьыште элыште Ачамландын геройжо-влакын кечыштым палемдат. Тиде кече вашеш школышкына Афган сарын участникше Олег Гаврилович Акадеевым, СВО-што вуйыштым пыштыше участник влакын аваштым-ачаштым, пелашышт В.В. Никитиным да С.А. Михайлинам ӱжынна ыле.
Авторын фотожо-влак.
Вашлиймаште армийыште служитлаш кӱлмӧ, Шочмо элым йӧратыме, шке калык ончылно служебный порысым шуктымо нерген мутланышна. Рвезе-влак тӱткын колыштыч да ятыр йодышым пуэдышт.
Мутланымаште салтакна-влаклан полшымо темым тарватыме. Землякна-влак деч мийыше шокшо шомакан серыш ден шочмо кундем гыч колтымо посылка-влак кажне военнослужащийын чонжым ырыктат да боевой шӱлышыштым нӧлтат. Тиде пеш кӱлешан паша.
Вашлиймаш йоча-шамычлан тургыжландарыше да ушеш кодшо ыле. Тыгай мероприятий элна верч кугешныме кумылым шуараш полша. Илышысе посна пример гоч тунемше-влакат ужыныт: чын герой-влак пеленнак илат, а лӱддымылык, Шочмо элым йӧратымаш - тиде чын айдемын качествыже.
Вашлиймаш Кугу Отечественный сарын участникше-влаклан памятник, специальный военный операций жапыште колышо рвезе-влаклан пӧлеклыме стела деке пеледышым пыштыме дене мучашлалте. Тушто ик минут шып шогымо тат дене Шочмо элым аралыше патырна-влаклан таум каласыме…
Новости партнеров