-23 °С
Пылан
Все новости
СВО-со шкенан-влаклан полшена
28 Ага 2025, 13:06
СВО ветеран-влаклан
«Башкирийыште тений СВО ветеран-влаклан полшаш 14 млрд теҥгем кучылтыт, нунылан 43 тӱрлӧ полышым пуат. Тиде йодышым кучемын еҥже-влак эн кӱлешанлан шотлат, вет ончыкыжо эше ятыр пашам ворандарыман», - каласен РФ Президентын приемныйыштыжо эртарыме заседаний годым республикын тӱҥ федеральный инспекторжо Алексей Касьянов.
СВО-што лийше-влаклан медицинский, психологический, психотерапевтический полышым пуэн шогат. 82 тӱжем военнослужащий да нунын ешышт реабилитацийым эртеныт, 6700 еҥлан санаторийлаш каяш путевкым пуэныт.
Пытартыш жапыште СВО гыч толшо 2 тӱжем еҥ Паша верым муаш полшышо рӱдерлаш пашам йодын миен. Республикын еш, паша да калыкым социальный аралымаш министрже Ленара Иванован мутшо почеш, регионысо 90 компаний нуным пашаш налаш ямде. Военнослужащий-влак, нунын пелашышт да икшывышт образовательный сертификат дене у профессийым налын кертыт. Ты йӧн дене 832 еҥ пайдаланен.
Новости партнеров