-23 °С
Пылан
Все новости
СВО-со шкенан-влаклан полшена
10 Апрель 2025, 17:10
Сеҥымашым лишемдаш полшена
СВО-што улшо-салтак-влаклан полшаш кумылан-влак ятырын улыт. Акпарс школышто верланыше «Акпарс» волонтер клуб тидын шотышто кугу пашам намия. Тыглай еҥ-влакат, мо дене кертыт, тудын дене полшат. Окоп сортам, шокшо носким, посылкым, госпитальлан полышым, лашкам, шудо чайым шуко поген колтышна.
Авторын фотожо.
Кызыт волонтер группына дене маскировочный сетьым пидына. Тудым пидаш да тасмажым налаш землякше-влаклан Н.М. Давлетова полшыш. Надежда Мурзагареевналан кугу таум ойлена. Ял калык дечат шийвундым погена, погымо окса дене мо кӱлешым наледена.
Кугурак ийготан ӱдырамаш-влак, мӧҥгысӧ пашам коден, арняш кок гана школыш вашкат. Ший ийготан волонтер-влак гуманитарный полышым погымашке кумылын ушнат. Мыланна самырык ӱдырамаш-влакат полшаш толыт, добровольческий группына кечын гаяк кугемеш.
Тыгай неле жапыште нигузе мӧҥгыштӧ яра шинчаш ок лий. Ме сеҥымашлан ӱшанена. Тек мемнанат изи надырна сеҥымашым лишемдаш полша. Мемнан сетьна мыняр-гынат салтакын илышыжым арален кодыжо манын сугыньлена. Вашкерак сар пытыже, рвезына-влак мӧҥгышт таза-эсен пӧртылышт.
Новости партнеров