Лапкашорат ӧрдыжеш кодын огыл

Февраль мучаште Лапкашорышто благотворительный концертым эртаренна ыле. Еҥ-влак ӧрдыжеш кодын огытыл - кӧ кузе кертын, туге полшен. Кызыт, чылан погынен, маскировко сетьым пидна. Сеҥымашым лишемдаш полшыжо манын, тиде арверыш марий шӱлышым шыҥдарен, паша коклаште муралтенат колтышна. Сетьым пидмашыш ушнышо-влаклан кугу таум каласыме шуэш. Тиде 85 ияш М.М. Иликаева, А.И. Валтиева, А.В. Байдуганова да Надежда ден Вероника ӱдыржӧ-влак, Ю.И. Байдуганова да Ксения ден Татьяна ӱдыржӧ-влак, Д.Р. Валтиева, С.И. Тимиркаев, Л.М. Андрьянова, С.П. Айдышева ден Дарья ӱдыржӧ, И.С. Сайфутдинова, Л.М. Сайфутдинова, Р.А. Айдышева, А.А. Ахмадуллина, Т.К. Базуева. 70 ияш Л.И. Фазлыева Андреевка ял гычак полшаш толын. Тыгай волонтер пашам А.В. Байдуганова тарватен. Тек изирак пашана кугу сеҥымашым конда. 

Осал саман Лапкашор ялнам ӧрдыжеш ыш кодо - СВО-што вуйым пыштышыжат лие. Тиде Г.Л. Мусабиров - пелаш, куд икшыван ача, коча. Йӧсылыкым ончыде, ешыжым аралаш, порысшым шукташ каен ыле, но кодший апрель тылзыште мемнан дене чеверласыш. Ялна гыч тачысе кечынат СВО-што порысыштым шуктышо-влак улыт. Тиде П.О. Гайнуллин, А.Ш. Байдуганов, А.Е. Андрьянов. Мемнан ял гыч лекше-влакат шке порысыштым шуктат, тиде А.В. Шарафутдинов, В.А. Гайнуллин. Тек нуным Ош Кугу Юмо саклен кондыштара, илышыштым арала. Тек чылан таза-эсен савырнен пӧртылыт, ме нуным вучена.