«Ялем у сеҥымашлан вийым пуа…»

Экстремальный случай-влак айдемым вашталтат улмаш. Чонешемак логале. Таза-эсен коштшо, Ош Кугу Юмо саклен кондыштарыже, суксо пуйырышышт-влак эре пеленже лийышт.  

Мутланымашна тыгайрак лие: «...Кызыт ме канымаште улына, садлан мутланен кертам. Ойласена, чоным изиш почына... Шочмо ялемым, калыкемым, шочшо-влакем сагынем... Мылам Маядык - вий ден пеҥгыдылыкын символжо. Маядык - мыйын пӧртем, шочмо верем, тушеч мый у сеҥымашлан вийым налам. Мый ялын тӧрланымыжлан, уэммыжлан, мотореммыжлан нимучашдымын куанем.  Тидын нерген шонкален, виянрак улмыла чучеш... Тушманым чотрак кырыме шуэш…»

Тыгай поро, шӱм гыч лекше шомакетлан тау, салтак. Ме ӱшанена: те сеҥымаш дене пӧртылыда.