Мероприятийыш Чорай сельсовет администрацийым вуйлатыше Г.А. Саймулукова, туныктымо пашан ветеранже Г.З. Зайнитдинов, «Отечество» региональный мер ушемын председательже В.Г. Миронов, отпускышто улшо СВО-н участникше, герой-влакын авашт-ачашт, родо-шочшышт толыныт. Ӱжмӧ уна-влак герой-влак нерген шуко поро мутым ойленыт. Нуно палемденыт: элнан тыныс ончыкылыкшо верч илышым пуышо-влак нерген шарнымаш - тиде тачысе кечын негызше. Леонид Анатольевич Байрамов йоча-влаклан Марсель эргыжын ечыжым пӧлеклен. Тунемше-влак погынышо-влак ончылно чонеш логалше почеламут-влакым лудыч, муро-влакым йоҥгалтарышт. Нуным колыштын, шуко еҥын шинчавӱдшӧ йогыш. «Геройын партыштыже» шочмо элна верч илышыштым пуышо рвезе-влакын лӱмышт курымешлан возалтын. Ме нуным эре шарнаш тӱҥалына!