СВО-н салтакше дене вашлиймаш

Радик Динахметов - кумдан палыме мурызо, Башкортостанын сулло артистше, специальный военый операцийын участникше. Шукерте огыл салтак шочмо Асян селашкыже отпускыш толын ыле. Вашлиймашыш СВО-со салтак-влакын аваштым-ачаштым, пелашыштым, икшывыштым ӱжыныт (Маядык ялна гыч СВО-ш 28 еҥ каен, 4 салтак вуйжым пыштен). Тушто элнан илышыж дене кылдалтше тыгай событийлаште лийше еҥ-влакын ойлымышт гыч историйым кумданрак пален налаш йӧн лийын. 

Радик Динахметов суртшым шарналтен йокрокланыме, неле жап лийме годым нунын кумылыштым нӧлтышӧ тат нергенат каласкалыш, вийым пуышо серыш ден посылка-влакым колтылшо землякше-влаклан Дӧртыльӧ районысо салтак-влак лӱм дене тауштыш. Пытартышлан тыге палемдыш: «Кажне кечын ончылно лиймаш, шкендын сай койыш-шоктышетым ончыктымаш, йолташ-шамычлан полшымаш да Элнам аралаш йӧным мумаш, армийнам сеҥаш лийдымым ышташ - тыгай мемнан задачына. Сеҥымаш мемнан лиеш».