Ик еш семын погынен, кертына чыла ыштен

Туныктышо-влакат тӱрлӧ национальностян, шке пашаштым сайын палыше да поро кумылан улыт. Кодшо арнян чылан пырля, татар, башкир, марий ма, кажныже шке калык вургемжым чиен, СВО-што кучедалше салтак-влаклан лашкам ямдылышт (снимкыште). Тыге нуно «Мое национальное блюдо» республикысе флешмобыш ушнышт. 

СВО-што улшо салтак-влаклан полшымаш кызыт илышыштына кугу верым налын шога. Мобилизацийыш логалше але шке кумылын СВО-ш кайыше-влакын ешышт кечын нунын нерген шонат. «Таза-эсен коштеш мо, мом кочкеш-йӱэш, кушан возын мала?» йодыш-влак пелашыштым, ава-ачаштым гына огыл, уло родо-шочшыштым, йолташыштым тургыжландарат. Родо-шочшышт гына огыл, чыла еҥ кертмыж семын нунылан полшаш тырша. Меат салтак-влаклан шочмо кундемышкышт вашкерак пӧртылаш тыланена.