Ятыр ий логопедлан тырша

Логопед - нелын ойлышо але йӧршеш ойлен кертдыме йоча-влак дене пашам ыштыше еҥ. Логопедын пашаже куштылго огыл - мыняр вийым пуэн тыршаш кӱлеш тиде сомыллан! Икшывылан йӱкым, буквам чын ойлаш полшаш да кутыраш тӱҥалашлан негызым ышташ шагал огыл вий-куатым пуаш логалеш. 

Нефтекамск оласе тазалыкым пеҥгыдемдыме рӱдерыште логопедлан Р.Р. Саликаева ышта. Тиде профессийым школышто тунемме жапыштак ойырен. Ижевск оласе институтым тунем лекмеке, логопед семын шке паша корныжым тиде рӱдерыште тӱҥалын. Самырык ӱдырамаш - чыла вере эҥертыш. Ешыште Руслан пелашыж дене кум икшывым куштат. Тудын тыршымыж дене рӱдерысе йоча-шамычлан шуко кӱлешан полышым пуымо.