Чумыр педстажышт 114 ийыш погына

Июнь тӱҥалтыште Уфа оласе «ВДНХ-ЭКСПО» комплексыште Башкортостан Республикысе пашазе династий-влакын фестивальышт эртен. Тудым тений регионысо «Амбассадоры трудовых династий» проектлан келыштареныт. Фестивальыш кундемысе тӱрлӧ профессиян еҥ - хирург, туныктышо, воспитатель, нефтяник, кӱртньыгорно пашаеҥ, повар, кидмастар да моло - ушненыт. Кажне пашазе тукым шкенжын поян илыш историйже, паша опытшо дене ойыртемалтын. Фестивальыште тыгак «Семья в профессии» идалык мучко эртарыме республикысе усталык конкурсын сеҥышыже-влакым суапландареныт. Ойыртемалтше участник-влак коклаште марий ешынат лӱмжӧ йоҥген. Нефтекамск оласе 25-ше йочасадын педагог-психологшо И.М. Александрова (ӱдыр фамилийже Дмитриева) конкурсышто шкенжын туныктышо династийже дене палдарен. Тудын «И больше века длится день» педагог-влак еш нерген ямдылыме усталык пашажым «Шӱмемым йоча-влаклан пӧлеклем» номинацийыште палемденыт. Илиш район Анач ялыште илыше Дмитриевмыт тукым гыч туныктымо пашам ойырен налше-влакын тиде аланыште пашам ыштыме жапыштым иктыш ушаш гын, тудо 114 ийыш шуэш!

Уфа оласе «ВДНХ-ЭКСПО» комплексыште награждений годым. Образований управленийын сайтше гыч налме фото.

Ирина Михайловнан аваж ден ачаже коктынат филолог улыт, кумло кум ий Краснояр ялыште иленыт. Ачаже, Михаил Павлович, ятыр ий Краснояр ялыште школ директорлан ыштен, чолга мер пашаеҥ.

Аваже, Рима Шакиртовна, туштак 36 ий йоча-влаклан руш йылмым да литературым туныктен. Кызыт нуно сулен налме канышыште улыт. Ӱмыр мучко йоча-влакым туныктымо да воспитатлыме пашаште тыршыше ава-ача икшывыштымат тыгаяк профессийлан шӱмаҥден кертыныт. Ирина ӱдырышт тӱҥ сомылжо дене пырля тыгак Нефтекамск оласе 36-шо йочасадыште туныктышо-дефектологлан ышта, паша стажше 26 ийыш погынен. Сергей эргышт Ямал-Ненец автономный округысо Ноябрьск оласе 2-шо школышто 14 ий ОБЖ предметым туныкта, военрук. Михаил Павлович ден Римма Шакиртовнан кугурак уныкаштат, Дмитрий Александров, нунын йолгорнышт дене «ошкылеш» - кызыт Стерлитамак оласе физический культура, управлений да сервис колледжын студентше улеш, тренер лияш ямдылалтеш. Рвезе спортлан шӱман, греко-римский кучедалмаш дене спорт мастерыш кандидат, юниор-влак коклаште Башкортостан Республикын сборныйжын еҥже. Моло уныка-влакат усталык шӱлыш дене ойыртемалтыт: Татьяна дене Ульяна музыклан шӱман улыт, скрипка да фортепиано дене мастарын шоктат. Кова-кочан эн изи Ваня ден Рома уныкашт, але изирак улыт гынат, нунын деч сай примерым налын кушкыт. Тугеже, уста туныктышо-влакын династийышт, тукым гыч тукымыш куснен, умбакыже шуйна…

Автор:Людмила Шавалиева

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».