- Нина Асылгалеевна, икымше урокда кузе эртымым шарнеда мо?
- Школышто пашам ыштымемлан тений нылле ий лиеш. Икымше урок да икымше кече пеш чот вуеш кодыныт. Икымше сентябрьлан ямдылалтмемат сайын шарнем. Тунам плакат-влакымат пера дене возалтын.
- Кӧм «Тиде мыйын наставникем» манын кертыда?
- Наставникемлан Сергей Минич Галиным шотлем. Тудо марий йылмым да литературым туныкта ыле. Кызыт илыш дене чеверласен.
- Жап ончыко кая, технологият эре уэмеш. Пашаш толмыда деч вара тачысе кече марте туныктымо паша чот вашталтын мо?
- Нылле ий коклаште туныктымо паша пеш чот вашталтын. Пытартыш лу ий эре компьютер дене ыштыман.
- Тендан пашам ыштыме жапыште тунемше-влакын койышышт кузе вашталтын?
- Тунемше-влакат ынде весе улыт. Нуным книга деке шӱмаҥдаш неле.
- Кызытсе илышыште педагог ден наставник могай лийшаш улыт, кузе шонеда?
- Кызытсе илышыште туныктышо эре ончылно, лидер койышан, сай специалист лийшаш.
- Тачысе образований системыште мом вашталтеда ыле? Ончыкыжым тудым могайым ужнеда?
- Марий йылме ден литератур урокым шукемдаш кӱлеш. Традиционный системыште мыняр лийын, тунарым кодаш. Мемнан дене пел ставке веле.
- Йодыш-влаклан вашешташ жапым ойырымыланда кугу тау! Пашаштыда сеҥымашым, чоныштыда ласкалыкым тыланена.
Шаран район.