Паша ӱмырым шуя

Йоча да тунемме жапше шочмо ялыштыжак эртен. Варажым Уфаште тунемын, тӱрлӧ профессийым налын. Паша корныжо Нефтекамск оласе ПАТП-ште тӱҥалын. Ончыч слесарь-бригадир семын тыршен, вара вуйлатыше марте кушкын.

Весела самырык жапшат пеш оҥай лийын - Автотранспортный предприятийыште автобус водительлан ыштымыж годым Москваште София Ротарум, Карачаево-Черкесский группым да Полад Бюльбюль Оглым кондыштарен. Шоналташ гына, марий пӧръеҥлан тӱня мучко палыме артист-влак дене шинчаваш ужын кутыраш пуйырен улмаш. 

Александр Иштубаевич, сулен налме канышыш лекмекшат, пашажым кудалтен огыл. Ончычрак оласе «Виктория» ансамбльым тӱрлӧ верлаш кондыштарен гын, кызыт Нефтекамск оласе тазалыкым пеҥгыдемдыме рӱдерыште тырша да йоча-влаклан мастарлыкшым ончыкта. Гармонь да тӱмыр семже почеш мурыкта-куштыкта, нунылан пиал кумылым пӧлекла.

Ешыште кум ӱдырлан, кандаш уныкалан да ик кугезе уныкалан поян улеш. Яра жапыштыже пӱртӱс лоҥгаш лектеда, телым ече дене кошташ йӧрата. Илыме курымыштыжо тудын пашажым тӱрлӧ Чап грамот дене акленыт.