Надежда Мурзагареевнам 13 июньышто Москошто суапландареныт. Российысе Ӱдырамаш предприниматель-влакын ассоциацийыштлан 30 ий темме лӱмеш Измайловысо Кремльыште тудлан «Успешная бизнес-леди» кубокым кучыктеныт. Элысе эн сай 120 ӱдырамаш предприниматель-влакын форумыштышт Н.М. Давлетова шке пашаж нерген ойлен, предприятийыштышт лукмо кочкышым тамлен ончымо выставкым ыштен. «Тыгай сеҥымаш икоян еш гай тыршыше предприятийысе коллектив деч посна ок тол, - ойла Надежда Мурзагареевна. - Тиде мемнан чумыр сеҥымашна, садлан ойырен налме профессийыштым йӧратыше, тыршен ыштыше ӱшанле пашаеҥем-влаклан тауштем.»