Ӱдырамаш тӱням сӧрастара

Кажне ял шке шочшыжлан мотор да шерге. Л.А. Шамыкаева Ангасяк ялыште ила гынат, Маядык ялжым эре шарнен ойла. Шочмо мланде шочшылан вий-куатым пуа. Маядык ялын пӱртӱс моторлыкшо: Зайнаш арка, Ваштар Памаш, Ош Виче да кумда олык - кумылжым нӧлтат.

Людмила Алексеевна ешыштыже теле тылзын икымше икшыве лийын шочын. Вара Юлия шӱжарже, Герман да Игорь шольыжо-влак ош тӱням ужыныт. Ачаже ялсоветыште бухгалтерлан, аваже школышто техработниклан ыштеныт. Икымше йочалан суртышто сомыл эре шукырак логалеш. Вӱта темын вольык, кудывечыште комбо, лудо. Авалан полшаш кӱлын. Ачаже, Алексей Семенович, колхозышто ыштымыж годым фермыште пурла кидкопажым йомдарен, садлан пӧръеҥ пашамат ышташ логалын. «Мыйын пашам огыл, ом керт» манын огыл.

Икана аваж дене мӧрым погаш миеныт. Кӱчык корно курык вуй гоч шуйнен. Курыкыш кӱзаш йӧсӧ гынат, кӱзыман. Изи ӱдыр аваж почеш пыкше-пыкше, йӧсым чытенак кӱзен. Кӱзымек, аваже «Ӱдырем, йӧсылыкым чыташ кӱлеш. Ош тӱня чыла еҥлан иктӧр пуалтеш гынат, илыш тӱрлӧ лиеш. Тиде икымше гана йӧсылыкым сеҥымашет. Тыйым ончыкыжо у сеҥымаш-влак вучат. Илышыште эн пиалан еҥ лият» манын каласен.

Маядык школышто индеш классым тунем лекмеке, Людмила Благовещенск педучилищыш тунемаш пурен. Тулеч вара ныл ий Искуш тӱҥалтыш школышто туныктен.

Оптимизаций деч вара сокращенийыш логалын. Но марий ӱдыр йомын огыл - Ангасяк школышто туныкташ тӱҥалын. Тыге коло кок ий эртен. Тудо Бирск пединститутын филологий пӧлкашкыже заочно тунемаш пурен, «Марий йылмым да литературым туныктышо» специальностьым налын. Тыгак БГУ-што олигофренопедагогика да дефектологий пӧлкаште тунемын.

Тачысе кечын Л.А. Шамыкаева Ангасяк школышто тӱҥалтыш класслам туныкта. Школыштат, ялыштат Людмила Алексеевнам пагалат. Шуко ава-ача йочажым тудын классышкыже тунемаш намияш тырша. Шондыкым почаш тӧчымӧ семын, тудо кажне тунемшылан кӱлеш «сравочым» кычалеш. Тӱҥалтыш классыште йочан кертмыжым кузе почат, ончыкыжат тугак лиеш.

Людмила Алексеевна да Степан пелашыже кум икшывылан илышым пӧлекленыт. Андрей Екатеринбургышто пашам ышта. Анастасия Ижевск оласе медколледжыште, Максим Ангасяк школышто тунемыт. Вате-марий таче кова-коча улыт. Людмила Алексеевна изинек мураш-кушташ йӧрата. Тудо изиж годым «Кечыйол», «Шонанпыл» ансамбльлаште мурен. Педучилищыште тунеммыж годымат училищын ансамбльыштыже мурен, куштен. Кодший Дӧртыльӧ район Ангасяк ялыште черетан Марий тӱвыра кече эртыш. Кугу пайремым вӱдаш Людмила Алексеевналан ӱшанышт. Сценыш ош йӱксыла лектын муралта, йӱкшӧ Ангасяк ял воктенсе вӱд толкынла лойгалтеш. Тудын мурымо такмакше почеш мыняр кужыт «Кандырам» пуненыт! Людмила Алексеевна, таза, кужу ӱмыран, пиалан лийза!

Читайте нас:

Новости партнеров

Был стипендия кемдәргә түләнә?

На уровне молекул

Азык-төлеккә талон системасы кертелергә мөмкин

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».