Нуным «Родительская доблесть» медаль дене палемденыт

22 ноябрьыште Уфа оласе «Башкортостан» кугыжаныш концерт залыште Аван кечыжлан пӧлеклыме пайремым эртареныт. Тушко шке профессийыште сай кӱкшытыш шушо, тыгодымак икшывым ончен куштышо 500 наре ӱдырамаш чумырген. Тиде кечын нунылан концерт залын фойештыже оҥай мастер-класс-влак пашам ыштеныт. Тушто ава-влак тӱрлӧ сувенирым ямдыленыт, нейрографикым шымленыт, тӱрленыт, фоамиран гыч пеледышым сӧрастареныт. Психолог-влак деч каҥашым налме консультаций площадке-влакат лийыныт.

Шаран район гыч Людмила ден Анатолий Гареевмытлан наградым кучыктат. БР Еш, паша да калыкым социально аралыше министерствын сайтше гыч налме фото-влак.

Тиде кечынак Аван пайремыштыже республикысе ныл ойыртемалтше ешлан - Туймаза район гыч Кумирихан ден Александр Кирсановмытлан, Хайбулла район гыч Булат Бикбовлан, Калтаса район гыч Любовь ден Мильсон Алексеевмытлан да Шаран район гыч Людмила ден Анатолий Гареевмытлан - БР Правительство Премьер-министрын алмаштышыже Фанур Ягафаров «Родительская доблесть» медаль-влакым кучыктен. Нине ешлаште героизм шӱлыш дене ойыртемалтше, республикым чапландарыше икшыве-влак шочын-кушкыныт.

Калтаса районысо Калмиямучаш ял гыч Любовь ден Мильсон Алексеевмытын эргыштын, ГИБДД-н кугурак инспекторжо Юрий Алексеевын, Чечня Республикыште служебный заданийым шуктымо годым ӱмыржӧ лугыч лийын. Мужество орден дене тудым илыш гыч кайымекыже наградитленыт. А Шаран район У Тумбагуш ял гыч Людмила ден Анатолий Гареевмыт кум икшывым ончен куштеныт. Кыдалаш Сергей эргыштым, радиоэлектронный разведкысе технический средства расчетын кугурак операторжым, Краснодар крайысе Армавир олаште «За спасение погибавших» медаль дене палемдыме. Гареевмыт тыгак опекун семын нылымше икшывым йолӱмбак шогалтеныт, илыш-корныш луктыныт.

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».