«Шулдыран йолташна-влаклан полшена»

Йӱштӧ годым нунылан кузе полшымо, могай кочкыш келшен толмо, кузе эҥгекым ышташ огыл да молан эре пукшаш кӱлмӧ нерген мутланышна. Каҥашыме деч вара йоча-влак тыглай да лӱдыкшыдымӧ материал гыч шке кидышт дене кормушкым ямдылышт. Вашлиймашын лектышыже - ямде кормушко-влак да тӱҥжӧ - пӱртӱс верч тыршымаш изи ошкыл гыч тӱҥалеш манын умылымаш. Тек мемнан полышна кайык-влаклан телым сайын илен лекташышт йӧным ышта.