Январь - телын рӱдыжӧ

Йӱштӧ годымак кечыжат ончалеш, южгунам витарыше поран ден шӱшкен шинчыше мардежан игечынат шкешотан моторлыкшо палдырна. А эше январьыште вучыдымын шошымсо гай леве да йӱран, шыжымсе гай ночко игечат ӧрыктара. Икманаш, пӱртӱсыштӧ оза улмыжым, койышыжым теле тиде тылзыште поснак раш почын ончыкта.

Январь - телын рӱдыжӧ. Тудо у идалыкым тӱҥалеш, кечышот календарьым почеш. Кечыжат ынде кужурак, игечыжат волгыдырак. Январь тылзе дене тӱрлӧ калык пале-влак кылдалтыныт. Мутлан:

* Ийсӱс кужу да чӱчкыдӧ гын, шурно лектыш сай лиеш. 

* Январьыште мӱкш-влак тарваненыт гын, йӱран, ночко шошым вучыман. 

* Игече кукшо да йӱштӧ шога гын, кеҥеж шокшо лиеш.