Шулдыран йолташна-влак нерген икмыняр оҥай

Учёный-влак нунылан вӱдым аҥысыр аҥан кувшинеш пыштен пуэныт, тушеч нуно йӱын кертын огытыл. Тунам корак-влак кувшин кӧргыш шаргӱм кышкеныт, вӱд нӧлталалтмек, йӱыныт. Кайык-влакым аҥыртараш манын, учёный-влак шаргӱ коклаш икгай кугытан пенопласт кандар-влакым пыштеныт. Корак-влак пайдам пуэн кертдыме «куштылго кӱм» ӧрдыжкӧ кораҥденыт, нуным кувшиныш кышкен огытыл. 

Корак попугай семынак айдемын ойлымыжым уэш-пачаш кычкырен кертеш.

Попугай-влак игыштлан лӱмым пуат. Тудо икмыняр гана лукмо йӱк гыч шога. Пӱртӱсыштӧ эше дельфин-влак игыштым лӱмдат.

Кайык-влакын пун ден пыстылыштын чумыр нелытышт лулегыштын деч шукырак. Туге гынат нуно огыт пӱжалт.

Кайык-влакын шӱмышт шинчымышт годым минутлан ныл шӱдӧ гана, чоҥештымышт годым тӱжем гана пералта.

Эрыкыште кайык-влак кокла шотышто нылле вич ий илат. Мутлан, фламинго кандашле ий марте илен кертеш.

Колшыре шере вӱдымат, шинчаланымат йӱэш. Шинчалым ойыраш тудын логарыштыже лӱмын «фильтр» уло.

Пингвин ийын мошта, чоҥештен ок керт. Туге гынат кок метр кӱшкӧ тӧрштен сеҥа. Нуно тӱшкаштышт «йочасадым» ыштат. Ача-ава кочкышым кычал кая гын, игыжым тушан кода.

Кайык-влак шокшо элыш тӱшкан-тӱшкан чоҥештат, а теве куку шкетын чоҥешта.

Шочын, фламинго ал тӱсан ок лий. Кочмо рак-влак тудын пыстылжым тыгай тӱсыш «чиялтат». 

Игыже-влаклан ямдылыме кочкышым шукш-копшаҥге ынже коч манын, тумна-влак южгунам пыжашышкышт изи кишкым кондат. Тудо шукш-копшаҥгым кочкеш.

Чыве-влак илыше кодшаш верч колышо гай койын кертыт. Тудын муноптемже эн шукыжым индеше лиеш.

Киса игыжым суткалан тӱжем гана пукшен кертеш.

Шылым кочшо кайык-влакын игышт шудым кочшын деч эркынрак кушкыт, варарак пыстылаҥыт.