Все новости
Айдеме да пӱртӱс
15 теле 2022, 12:12

Тӱрланышан пеледыш

Йошкар декабристым шындымемлан шым ий лиеш. Тымарте тудын пеледмыжым ик ганат ужын омыл ыле.

Тӱрланышан пеледыш
Тӱрланышан пеледыш

Тений кеҥежым кевыт гыч лӱмын нунылан келшыше мландым нальым да тошто рокшым алмаштышым. Тиддеч вара декабрист одарланыш, а ноябрь мучаште укш мучашлаштыже тыгыде пеледышлык-влак койылалтышт. Теле тылзыш пурымек, тудо пеледалте.

Декабрист мотор да эше моткоч «тӱрланышан» пеледыш улеш. Тудо пеледаш ямдылалтмыж годым икте гыч вес вере кусарымым гына огыл, эсогыл кӧршӧкшым савырен шындымым огеш йӧрате - вигак пеледышлыкше-влакым йоктараш тӱҥалеш. Пуйто каласынеже: «Йӧратен ончыза, но кидда дене ида тӱкӧ».

Автор:Н. КАЙНИЕВА. Нефтекамск ола. Авторын фотожо.
Читайте нас: