Казбек ӱмбач тӱням ончалын

Кодший йолташыже-влак дене Казбекыш - Кавказын эн кӱкшӧ эрвел пикышкыже - кӱзынешт улмаш. Но шонымыштым шуктен кертын огытыл, 4200 метр кӱкшытыш шумек (Казбек теҥыз деч 5034 метр кӱшнӧ Россий ден Грузий мландыште верланен), тале мардеж да лум тӱҥалын, курык коклаште кодаш лӱдыкшӧ улмылан кӧра мӧҥгеш савырнен волаш логалын.

А тений эн кӱшыл точкышкыжо шуашак шонен пыштеныт да Уфа гыч ныл еҥан изирак тӱшка дене корныш тарваненыт. «Ты гана, чыла чаракым сеҥен, ныл кече жапыште курык вуйыш кӱзен шуна!» - манеш Андрей.