Шочмо вер-шӧр - шӱм чон поянлык

Чынжымак, кава пуйто ава, вет кажне айдеме кеч-кунамат  ӱшаным вучымо але тауштен ойлымыж годым вуй ӱмбалсе каваш ончалеш да тушечын толшо  юзо вийлан эҥерта. Арам огыл йӧратыше чон кумылжо дене кава гыч шулдырым волташ ямде, а айдемын  кумылжым кава марте шукташ лиеш. Каваш ончет, а тушто мучашдыме, пундашдыме пылвомыш кандалгын-ошын коеш, лач южгунам йӱксӧ семын, мыланна тора гыч саламым колтышыла, толкыналт-тарванен колта. Йырваш канде - канде кава, а ӱлныжӧ - канде Ош Виче вӱд! Чыла тидым ужын, чон куан дене ташла! Тек эре вуй ӱмбалне лийышт шокшо кече, яндар кава да нимучашдыме пиал дене темше кумыл!