Все новости
Айдеме да пӱртӱс
5 Сорла , 16:44

Кас - у кечылан вий-куатым погымо пагыт

Кас. Кузе ныжылгын шокта тиде шомак. Кас - тиде чон ласкалык, пуйто у шӱлышан юзо вий. Вучат мо касым? Вучат куанен! Умыр кас пуйто вуй гыч ныжылгын ниялтен да шыматен колта.

Э. Вайтиеван фотожо-влак.
Фото:Э. Вайтиеван фотожо-влак.

Айдемын кап-кылжым ӧндалын, каналташ тарата. Вучымо кас кужу кечым иктешла. Тудо кугыраклан пашам кошартен каналташлан пагыт, шоҥгыраклан у кечылан вийым погалташ амал, а самырыклан йолташ-шамыч да йӧратыме таҥ дене вашлияш йӧн. Чылан касым йӧратат. Пӱртӱс, кайык ден янлык-влакат шке семынышт каналтат. Тидын годым тымык, шып, чонышто куан шижалтеш. Кавасе кечат, пашажым шуктен, каналташ вашка. Кас каласен моштыдымо юзо виян. Тиде эрласе  кечылан у вий-куатым погымо  пагыт.

Э. Вайтиеван фотожо-влак.
Фото:Э. Вайтиеван фотожо-влак.
Автор:С. ИВАНОВА. Анач ял, Илиш район.
Читайте нас в