Все новости
Айдеме да пӱртӱс
4 Сорла , 10:21

Шочмо-кушмо пӱртӱсыштӧ чонланат ласка…

«Керей ямле, Керей ямле, Керейын вӱдшӧ тамле…», - муралтат ик такмакыште. 

Авторын фотожо-влак.  Керей эҥерын йогын вӱдшӧ, кадыргыл-кудыргыл, шке корныж дене икшырымын шырчыкта.
Керей эҥерын йогын вӱдшӧ, кадыргыл-кудыргыл, шке корныж дене икшырымын шырчыкта.Фото: Авторын фотожо-влак.

Тиде - Калтаса районысо Братовщина ял воктеч йоген эртыше Керей (Гарейка) эҥерым войзымо фото. Кеҥежым тудо тамле вӱдшӧ дене кӱтӱсӧ вольыкым йӱкта, кайыквусылан кокымшо суртыш савырна. Южо верыште, эҥерын кӱкшӧ шунан серыштыже, вараксим-влакын пыжашыштым ужаш лиеш. Еҥ-влакат йӱштылаш да колым кучаш веле огыл (Эҥерыште кол шуко.), йырысе шып мотор пӱртӱс пелен каналташ, чоным кандараш мият - вер-шӧржӧ чынжымак пеш ямле!

Керей эҥер Татышле районышто тӱҥалтышым налеш. Тудын вӱдшӧ Татышле, Янаул, Бурай, Калтаса районла гоч йоген эрта да Писе Танып эҥерыш ушна. Тӱрлӧ географий справочниклаште эҥерын кужытшо 73 километрыш шуйна манын палемдыме. Керей вӱдыш Калтаса районысо Яш, Назмия, Янаул районысо Варяш да моло изирак эҥер-влак ушнат.  

Авторын фотожо-влак.
Авторын фотожо-влак.
Авторын фотожо-влак.
Фото: Авторын фотожо-влак.
Автор:Людмила Шавалиева
Читайте нас в