Таче чарайолын коштмо кече

Олыкышто веле огыл, изирак аланыште але пакчаштат туге коеш, пуйто ужар шудым кече левед возын - шинчат шалана. Корно дене кудалше автомашинам шогалтен,  южиктышт  тушеч лектыт да лӱмын шӧршудан аланыште телефон камерыш войзалтыт, селфим ыштылыт. А  мамыкшудо ӱмбачын чарайолын ошкыл колтымо  фотожо иктажын  уло мо? Калык вургемын моторлыкшым аклышна,  ӱдыр-влаклан "Кеҥеж гай мотор..." конкурсым почмо деч ончыч ала чарайолан мотор-влакым таче ончалына ыле? Чарайолын коштмо кече эртен огыл эше, велалтын шуктеда. Фотодам вучен кодына.