Шошо у вийым конда

Адакат шошо мландым ӧндале, Помыжалтын, пӱртӱс юарла. Тӱтыра огыл тиде кандалге - Олык шӱлыш юж мучко шарла. Лум йымачын утлен кертмыж дене Кечылан куанен моктана. Вургемжат ужар шудо нер веле… А сӧрем оварген топлана. Нӧлталеш нӧргӧ вуйжым пеледыш, Шошо южын ӱмаж ден вийна. Олыклан у вургемым пӧлеклыш - Чара могырыш пуйто чикта…

Фото:Фото-влакым Валентина ЗАЙЦЕВА колтен. Изи Соказа, Пӱрӧ район.

Шошо толмо дене мландын помыжалтмыжым эскерен, кажне ийын пуйто мом-гынат уым ужат. Шытен лекше нӧргӧ шудыжат ужаргынрак коеш, пеледышыжат вес семынрак волгалтмыла чучеш… Пӱртӱс лоҥгаш лектын ончалат да у шӱлышым шижат, шоҥго пушеҥгыжат уэш самырыкла кояш тӧчен шога… Шошымсо олыкышто, чодыраште икмыняр шагат гына коштын савырнет гынат, тӱрлӧ кушкыл да почылташ тӱҥалше пеледыш-влак коклаште чонет дене шкендынат кӧргыштет яндар, уэмше вийым шижат… А ужыда, поҥгат лектын шогалын?! Шошымсо эн эр поҥын лӱмжым кӧ пала?

Автор:Игорь Губаев

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».