СВО-што улшо-влаклан полыш

«Тыгай шонымаш шукертак шочын. Мемнан кокла гыч шукынан мобилизоватлыме але шке кумыл дене кайыше палымышт улыт. Ме йӱран, йӱштӧ игече годым мӧҥгыштӧ шинчена гын, нуно тыге шокшо суртышто еш пелен лийын огыт керт. Кеч-кушто, кеч-могай верыште шинчын канымышт годым тамле шӱрым кочкын, ава-ачан, пелашын, пӧрт кӧргӧ шокшын ырыктымыштым шижын, кумылышт нӧлтеш манын шонена. Муным, ложашым, шинчалым мӧҥгӧ гыч кондена. Ыштымына годым муралтенат колтена, пырля-пырля веселарак, жап эртымымат от шиж. Эн тӱҥжӧ, военный операцийыште улшо-влак таза пӧртылышт», - каласыш «Вис-вис» ансамбльын вуйлатышыже О.В. Кугубаева.