Илалше-влаклан погынашышт посна вер уло

Шукерте огыл тыште Р.К. Ялаева дене «Кугезе йӱлам арале да жапле» темылан вашлиймаш эртен. Чаманаш кодеш, коча-кувава-влак деч чылажымат тунемын кодын огынал. Тыге погынен мутланымаш пеш пайдале: илалше-влак ятыр шарнат улмаш, йӱлана нерген ойлымыштым нимогай книгаште, энциклопедийыште возымо огыл. 

Эше палемдыде кодаш ок лий: ик ял ден вес ялыште йӱла ойыртемалтеш. Ожсек тыге лийын. Районысо кажне ялын историйже посна. Тиде вер-шӧрыш марий-влак тӱрлӧ кундем гыч толыныт. Туге гынат мемнан вожна икте. Изи ойыртем-влак гын  йӱлам кучаш чаракым огыт ыште. 

Мероприятий мучаште районысо Ветеран-влак советын председательже Ю.Г. Балахнина Р.К. Ялаевалан шун гыч ыштыме оҥай книгам пӧлеклен.