ТЕРРОРИЗМ ВАШТАРЕШ КУЧЕДАЛМЕ ТУНЫКТЫМАШЫМ ЭРТАРЕНЫТ

Башкортостан Республикыште оперативный штаб Россий Федерацийын Оборона министерствыжын ик учрежденийже ӱмбак керылтше вооруженный тӱшкам петырыме да нунын дене кылдалтше лӱдыкшым кораҥдыме шотышто тунеммашым эртарен.

Россий ФСБ-н Башкортостанысе управленийжын пресс-службыжын видео гыч ыштыме скриншот.

Тунеммашым ямдылыме шонымаш почеш, 2026 ий 24 сентябрьыште правоохранительный орган пашаеҥ-влаклан палыдыме еҥ-влакын, пилотдымо чоҥештылше аппаратым кучылтын, Башкортостан Республикысе Военный комиссариатын зданийжым пудештарымышт нерген увертареныт. Кучаш тӧчымӧ годым вооруженный тӱшкан условный еҥже-влак торешланаш тӱҥалыныт да комиссариатын ик пӧлемешыже шылын шинчыныт.

Еҥ-влакын илышыштлан да тазалыкыштлан лӱдыкшӧ улмылан кӧра Уфа олан ужашыштыже контртеррористический операций режимым увертареныт, тугодымак специальный назначениян вийым кучылтын, экстренный боевой мероприятийым эртараш пунчалыныт. Тыге вооруженный тӱшкан условный еҥже-влакым кораҥдыме, террористический актым чактарыме.

Экстренный реагирований служба ден правоохранительный орган пашаеҥ-влакын чумыр вийышт дене калыкым да военный комиссариатын пашаеҥже-влакым лӱдыкшӧ вер гыч эвакуироватлыме, террористический актын лийын кертше кышажым шагалемдыме шотышто практика сынан мероприятий-влакым эртарыме, военный объект-влаклан лӱдыкшӧ лекме годым ведомство-влак кокласе вашкыл системын пашажым тергыме.

Башкортостан Республикысе оперативный штабын вуйлатышыже-влак правоохранительный ведомство, кугыжаныш кучем орган-влакын да верысе самоуправленийын терроризм ваштареш кучедалмаште задачым решатлаш ямде улмыштым палемденыт.

Автор:Россий ФСБ-н Башкортостан Республикысе управленийжын пресс-службыжо.

Читайте нас

Партнеры

Фотобанк журналистов РБ

Рубрика "Еда и напитки"

Рубрика "Животные"

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Об использовании персональных данных

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

ОК - ok.ru/cholmanrb

МАКС - max.ru/cholman

Телефон

Телефон: 8(34783)7-07-97.

Эл. почта

cholman@mail.ru

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».