Молан дроным возыман огыл

Башкирий кече еда гаяк пилотдымо да ракетный лӱдыкшӧ дене вашлиялтеш. Пытартыш гана БПЛА 27 августышто Уфа воктенсе кугу логистический рӱдерым атаковатлен. Пашаеҥ-влакым жапыштыже эвакуироватленыт. Зданий изиш локтылалтын. Дрон-влакын эн кугу атакышт 16 августлан логалын: регионым 20 утла беспилотник атаковатлен, тушеч 16-шым Салаватыште южышто кораҥденыт, молыжо Чишма районысо логистический рӱдерыш керылтын. Тунам кок еҥ эмганен. 

Беспилотник-влакын атакыштлан кӧра ФСБ пашаеҥ-влак калыклан дрон-влакым возаш да фото- видеоматериалым савыкташ чарыме нерген шижтарат. Ни нунын чоҥештымыштым, ни волен вочмо верыштым, ни ПВО-н пашажым возыман огыл. Тыгай материал - тушманлан шергакан увер, тудо объектыш керылташлан координат-влакым келыштараш, атакын лектышыжым умылаш да у, эшеат рашрак атакым ямдылаш полша. Чаракым пудыртымылан штрафын кугытшо 3 тӱжем теҥге гыч тӱҥалеш, кадрыш  военный объект-влак логалыт гын, тунам уголовный мут кучаш шогалтат. 

Террорист-влакын вапшышкышт кугыеҥ-влакат, вуеш шудымо икшыве-влакат логалыт.  

Вербовкыш логалме деч кузе аралалташ?

- Сетьысе палыдыме еҥ-влаклан ида ӱшане.

- Оксам ыштен налаш темлыме ӱшанаш лийдыме ой деч кораҥза.

- Ончыкыжым мо лийын кертме нерген шоныза.

- Кеч-могай уверым критически аклыза.

- Лӱдыктымашлан вуйым ида пу. 

Башкортостанысе МВД пӧлкан йӱдшӧ-кечыже пашам ыштыше ӱшан телефонжо: 8 (347) 279-32-92.

Радий Хабиров, глава Республики Башкортостан:

«Особо важная для нас с вами задача — профилактика в республике экстремистских и террористических проявлений, пресечение распространения деструктивных информационных материалов. Особенно в молодежной среде и социальных сетях».