+20 °С
Дождь
Антитеррор
20 Августа , 12:15
Оксам шолыштшо мошенникым кученыт
Россий МВД да ФСБ-н Башкортостанысе управленийыштын пашаеҥышт-влак преступный тӱшкан 19 ияш еҥжым кученыт.Тудо Пермь кундем гыч улеш, мошенник-влакын колл-центрыштлан полшен шоген. Тидлан шуко SIM-картым да специальный оборудованийым кучылтын. Тыге закон почеш аралыме компьютерыште кучылтмо уверым шолыштын да Россий Федерацийын тӱрлӧ кундемыштыже илыше еҥ-влаклан йыҥгыртылын.
«ЧОЛМАН» ГАЗЕТЫМ МАX-ЫШТЕ ЛУДЫНА!
Тыгай технический негыз аферист-влаклан номерым вашталтен кучылташ, банк, кугыжаныш еҥ але организаций лӱм дене шойыштын кутыраш да тӱрлӧ амал дене еҥ-влак деч оксам налаш йӧным ыштен.
2026 ий февральыште осалым ыштылше тиде айдеме социальный лаштыкыште вес еҥ лӱмеш виртуальный картым вераҥден да закон чарыме финансовый операций-влакым ыштылын. Тыге преступник-влак оксам шолыштмо кышаштым петыраш тӧченыт.
Обыск годым кучалтше еҥ деч компьютерный техникым, мобильный телефон-влакым да 450 наре сим-картым шупшын налыныт, тудын ваштареш РФ-н УК-н статьялаж почеш (ч.6 ст.187, ч.2 ст.274.4 и ч.3 ст.174.1) уголовный пашам почмо.
