Интернет лаштыкыште уверым шарымылан мутым кучаш шогалтыме нерген

Россий ФСБ-н Башкортостан Республикысе Управленийже Уфа олаште илыше, 2003 ийыште шочшо еҥын правам пудыртымо пашажым пален налын да документ почеш пеҥгыдемден. Тиде айдеме терроризмым ыштымым чынлан шотлен, экстремизмым тарваташ виш ӱжмашым луктын, «Интернет» лаштык гоч нацизмым пӧрылташ кӱлмӧ нерген уверым шарен.

«ЧОЛМАН» ГАЗЕТЫМ МАX-ЫШТЕ ЛУДЫНА!

Оперативно-кычалме пашан лектышыже почеш тиде пӧръеҥын интернет-мессенджерыште уда корныш ӱжмӧ шылтыме каналым ыштымыж нерген пален налме.

Москва областьын Красногорск оласе «Крокус Сити Холл» концертный залыште тӱнямбал террор организацийын еҥже-влакын террористический актым ыштымыштым чынлан шотлымо семын 2025 ий мартыште уверым шарен, тудо шканже эҥертышым да шукырак подписчикым погаш шонен. 

Варарак шке каналыштыже посна национальностян калыкым пытараш кӱлмӧ нерген уверым вераҥден. Поснак Кугу Ачамланде сарын ветеранже-влак нерген удан каласкален. 

Уголовный пашам текшырыме годым пӧръеҥ титаклыме дене  пӱтынек келшен, тидым ыштымыжлан ӧкынен.  

ФСБ Управленийын оперативный пашаеҥже да следовательже-влакын погымо доказательствыштым Рӱдӧ окружной военный суд приговорым лукташ ситышылан шотлен. 

Осалым шонышо  еҥым РФ УК-н  статьяшт-влак почеш (ч. 2 ст. 205.2 2 ч., ч. 2 ст. 280, ч. 4 ст. 354.1) преступленийым ыштымыжлан титаклыме, тудым 7 ийлан эрык деч посна кодаш, «Интернет» лаштыкыште сайт да канал-влакын администраторышт лийын пашам ышташ ныл ийлан чараш пунчалме. 

Приговор почеш кок ий тюрьмаште шинчаш тӱҥалеш, а кодшыжым пеҥгыде режиман колонийыште эртара.  

Приговор закон почеш шуктымо вийым эше налын огыл.

Пагалыме лудшына-влак, ВК ден Одноклассники соцлаштыклаште вераҥдыме уверым каҥашаш ушнаш ӱжына!