Чыным але шоям возымым кузе палаш?

Ончыч чумыр текстым лудын лекман. Вара ты увер нерген кугу авторитетный изданий-влак мом возымым ончалман, вет тушто чын факт-влаклан да статистикылан, специалист-влакын ойыштлан эҥертат.

Ресурсын страницыжымат тӱткынрак терген лекман: провокатор-влак чӱчкыдынак палыме сайт-влакын лӱмыш-тым шолыштыт, но пыртак гына вашталтат, мутлан, адресыш ик буквам ешарат. Тыгак тошто фотом кызытсе семын ончыктылаш йӧратат. А интернетыште ты фотом кычалаш гын, ончыч могай сайтыште савыктымымат муаш лиеш. Пытартыш жапыште фейкым - «ондалчыкым» шагал огыл верештына, садлан эреак тӱткӧ лийман, воза «Башинформ».