Тушто законым аралымаште цифровой технологий-влакын рольышт нерген кутыреныт, терроризм дене кучедалме йодышланат кугу тӱткышым ойыреныт. «Цифровизаций тӱнямбал да религиозный терроризм, транснациональный преступность да легальный огыл миграций ваштарешат кучедалаш полша», - каласен Россий Президент Владимир Путин. Российын генеральный прокуроржо Игорь Краснов кӱкшӧ технологий-влакым поснак лӱдыкшӧ преступлений-влакым (терактымат) ыштыме пашаште тӱҥ инструмент семын чӱчкыдын кучылтмым, акым шукыж годым виртуальный валюта дене тӱлымым палемден. Тидлан кӧра тудо терроризм ваштареш чылан пырля кучедалаш, а правоохранительный ведомство-влаклан чак пашам ышташ кӱлмӧ нерген ушештарен, увертара «Российский газетын» сайтше.