«Терроризм» мутым латин йылме гыч кусараш гын, «лӱдмаш», «шучкылык» манмым ончыкта. Террор икмыняр тӱрлӧ лийын кертеш.
Политика террор вес кугыжаныште вашталтышым ышташ кучылталтеш. Тудын тӱҥ амалже - конкурентым сеҥаш.
Националист террор - иктаж-могай калык тӱшкам пытараш шонышо-влакын осал пашашт. Нуно моло калык деч виян улмыштым ончыктынешт.
Религий террор - моло калыкын религийжым пытарымаш але нуным шке йӱла корнышкышт шогалтымаш.
Криминал террор преступный группировкын конкурентшым пытараш виктаралтын.
Тыгай пашалан ончылгоч ямдылалташ ок лий, садлан эре тӱткӧ лийман. Мутлан, общественный транспорт - террорист-влаклан сай вер. Автобусышто кудалме годым ида мале. Салонышто еҥ-влакым тӱткын ончыза. Палыдыме еҥ тыланда сумкам пуаш тӧча гын, ида нал. Кеч-кушто улыда гынат, лӱдыкшыдымылык правил-влакым эскераш ида мондо.