Терроризм лӱдыкшӧ деч кузе аралалтман?

Транспортышто, каныме верлаште, ужалыме, спорт рӱдерлаште лийме годым тӱткӧ лийза йырым-йыр мо ышталтмым экскерыза;

Озадыме але иктаж-кӧн монден кодымо арверым ужыда гын, ида логал, полиций, охрана пашаеҥлан, водительлан шижтарыза. Тушто пудешт кертше устройство верланен кертеш. Уремыште кийыше палыдыме арверымат йол дене ида логал, ида чумкале; 

Пудештше але лӱйкалыме йӱкым колыда гын, вигак мландыш (лучо бордюр, торгайыме палатка, машина воктек) шуҥгалтса, вуйым кид дене авырыза;

Терактым ямдылыме нерген пален налында гын, правоохранительный органлаш увертарыза;

Калык шуко погынымо вер-влакым кораҥ кошташ тыршыза;

Киддам кӱсеныште ида кучо;

Калык шуко погынымо пӧлемыш логалында гын, вигак шкаланда эн лӱдыкшӧ вер-влакым палемдыза, тыгак пӧлем гыч лекме запасной аварийный омса-влакым шинча дене кычал муза; 

Пуламыр тарваныме годым ида лӱшкӧ, шкем тыматлын кучаш тыршыза;

Митинг эртымым ужмо годым тушко ушнаш ида вашке. Эн ондак тудо санкционированный улеш але укем рашемдыман, тыгак митингыш лекше еҥ-влак мо верч йӱклымым пален налман; 

Регистрацийым эртыдыме тӱрлӧ организацийлаш ушнаш ида тырше. Тыгай организацийын эртарыме мероприятийыш ушнымылан уголовный мут кучаш шогалтен кертыт.