«Нелегал» операцийым иктешленыт

Ты жапыште Нефтекамск оласе прокуратурын, Россий УФСБ-н Башкортостан Республикысе пӧлкажын, МВД-н экстремизм ваштареш кучедалме БР-ысе рӱдержын еҥже-влак дене пырля миграций пӧлкан пашаеҥже-влак Россий Федерацийын миграций законодательствыжым пудыртымо 25 фактым верештыныт. Тушеч 3 случайже - Россий Федерацийыш толмо але элыште илыме правилым пудыртымаш, 8 фактше - йот элын гражданинжын але гражданство деч посна илыше еҥын Российыште закон шӱдымӧ деч посна пашам ыштымыже, 3 случайже - йот элын гражданинжын але гражданство деч посна илыше еҥын патентым йодмо да налме жапым пудыртымыжо, 11 случайже - йот элын гражданинжын але гражданство деч посна илыше еҥын Российыште илыме правилым пудыртымыжо. 

Тергымаш деч вара Кокла Азийысе кугыжаныш гыч толшо йот элын кум гражданинжым эл гыч поктен лукташ пунчалме. Судын постановленийже вийым налмеш, кок еҥжым Россий МВД-н Уфа оласе управленийжын Йот элын гражданже-влакым жаплан кучымо рӱдерыш вераҥдыме. Профилактический операций годым тыгак илыме верын озаже Кокла Азий гыч толшо гражданинлан фиктивный регистрацийым ыштыме фактым верештме. Кызыт тидын шотышто дознаний орган-влак тергымашым эртарат.