Воинский учет шотышто уведомлений нерген мом палыман

Могай тиде реестр?

Ончыч военнообязанный-влак нерген чыла увер кагаз семын военкоматлаште аралалтын. Тений Оборона министерство ден Россий Цифровой вияҥмаш министерство электрон воинский учет реестрым ыштеныт. Данный-влакын тыгай базышт военнообязанный-влак нерген уверым автоматический йӧн дене Госуслуго сервис, налоговый да моло службо гыч чумыра, учетыш шогалта да граждан-влак шотышто уверым рашемда. Российын военнообязанный еҥже-влакын электрон базышкышт элысе Оборона министерство гына пурен кертеш. 

Резервист-влакым трук кызытак ӱжыкташ кӱлмӧ ситуаций лийын кая гын, военкомат тидым ончычсо семын кагаз повестка дене огыл, а тачысе жаплан келыштарыме технологий - Госуслуго сервис полшымо дене - ышта. 

Мом палыман? Тиде обязательно мобилизаций огыл, резервист-влакым эреак сбор ден медосмотр-влакыш погат.

Уведомлений толын гын, мом ыштыман?

Уведомлений - тиде повестка огыл! Вес семынже, воинский учетышто запасыште улшо-влаклан умылтареныт: ончыч нунын нерген увер кагазеш возымо йӧн дене аралалтын гын, ынде электрон йӧн дене аралалташ тӱҥалеш. Шочмо эл пӧръеҥ-влаклан ушештара: «Военнообязанный улмет нерген ит мондо!» 

Тыгай уведомлений толын гын, нимом ыштыме ок кӱл. Тиде призыв але мом-гынат ыштылаш таратыше амал огыл. Тыгай уведомлений - увертарымаш веле, тудо нимом ышташ ок кӱштӧ. Кумылда уло гын, ссылка-влакым тыглаяк почын, шкендан нерген данный-влакым таҥастарен кертыда. 

Уведомлений ден повестка мо дене ойыртемалтыт?   

Электрон повестка кагазысе повестка гаяк. Тулеч посна тудын эше цифровой подписьше уло: тудо документын чын улмыжым ончыкта. Электрон повесткыште мом палемдат:  

- призывникын фамилийже ден лӱмжӧ;

- илыме верже;

- мийышаш кече ден жап;

- ӱжмашын амалже;

- военкоматын адресше.

Электрон повестка-влак Госуслугыш мият. Тудым ончалашлан «уведомлений-влак» манмашке пурыман да военкомат деч толшо сообщенийым муман. Шкендан повесткым тыгак, Госуслуги сервис гоч авторизацийым эртен, «реестрповесток.рф» сервисыште муаш лиеш. 

Повесткым шотыш налаш огыл гын, мо лиеш?

Повестка шотышто уведомлений нерген «мондаш» да лудаш огыл гын, шым кече гыч тудо кучыктымылан шотлалтеш. Тылеч вара призывниклан Госуслугышто ончыктымо телефонышкыжо йыҥгыртен ончат, пропискым ончыктымо адрес дене военкоматын пашаеҥжым колтат. Айдемым огыт му але тудын утлаш, шылаш тыршымыжым умылат гын, тунам административный правонарушений нерген протоколым ыштат. Айдеме тыгеат ок мий да кӱлешан амаллан кӧра (черланен, командировкышто але вес регионышто лийын, йот элыште каналтен - тиде чылажат уважительный амаллан шотлалтеш) мийыдымыжым ок умылтаре гын, суд айдемылан штрафым пыштыме да чарак-влак нерген пунчалым луктеш. Уклонист-влак автотранспортым регистрироватлаш, пого шотышто сделка-влакым ышташ, кредитым, ИП-м да молым оформитлаш правам йомдарат. Шарнаш кӱлеш: судын пунчалже лиймекат, военкоматыш мийыде ок лий!