ЭЛЛАН - СЕҤЫМАШ! ЕШЛАН - ПОЛЫШ

Идалыклан 4 520 000 теҥге утла

2025 ий 1 январь гыч Российын Оборона министерствыж дене контрактым ыштыше пӧръеҥ-влаклан шукырак оксам тӱлаш тӱҥалыныт. Ынде нуно икганаште кок миллион теҥгем, а частьыш мийымек, тылзе еда эн шагалже 210 тӱжем теҥге пашадарым (кугытшо званий да должность деч шога) налаш тӱҥалыт. Тыге икымше ий служитлыме жапыште кажне контрактник эн шагалже 4 520 000 теҥгем налеш. Тушманын техникыжым - Leopard, Abrams, Challenger танк-влакым пытарыше-влаклан 500 тӱжем теҥгем, руалтен налше-влаклан миллион теҥгем тӱлат.

40 утла льгот да привилегий

Спецоперацийын участникше-влаклан да ешыштлан 40 тӱрлӧ льгот уло. Санаторийлаште тугок путевка дене канен, пачерым 500 тӱжем теҥгелан, пум ятырлан шулдынрак налын кертыт, икшывыштым тугок туныктат да пукшат, транспорт налогым огыт тӱлӧ, социальный пашаеҥ-влак тугок полшат, Москваште Башкирийын полпредствыже пеленсе унагудышто тугок илаш, юридический да психологический полышым тугок налаш йӧным ыштыме.

Ик кечыште оформитлат

Военный контрактым запасыште улшо, тыгак воинский службым эртыдыме 60 ийыш шудымо пӧръеҥ-влак (шуэн вашлиялтше специальность дене да кӱлеш годым - 65 ияш марте) подписатлен кертыт. Контрактын срокшо тӱрлӧ: рядовой да сержант составлан - ик идалык да утларак, прапорщик да офицер-влаклан - кум ий деч шукырак.

Контрактым ышташ шкендан илыме верысе военный комиссариатыш але «Защитник» рӱдерыш (Уфа ола, Заки Валиди урем, 2-шо пӧрт але Элеваторный урем, 15-ше пӧрт) мийыман. Пелен паспортым, военный билетым (уло гын), шочмо кагазым (икшыве-влакынымат), образований, мужыраҥме але ойырлымо нерген документым, ИНН-ым, СНИЛС-ым, банк картын («МИР» тӱлымӧ система лийшаш) реквизитше-влакым налман.

«Защитник» рӱдерыште ик суткаште медкомиссийым эртен да чыла документым подписатлен шукташ лиеш. Банк картым оформитлаш да документ-влакым угыч ышташат полшат, туштак малаш кодаш, кечеш кум гана шокшо кочкышым кочкаш лиеш. Тидын нерген защитник - рб.рф сайтыште але +7 (800) 550−55-25 телефон дене рашрак пален налаш лиеш.

Боевой действий ветеран-влакын могай льготышт уло?

СВО-што лийше кажне еҥлан боевой действий ветеран статусым пуат. Тудден икмыняр федеральный льготым налаш лиеш. Тӱҥжӧ-влак:

- пенсийым артырен тӱлат (кызыт 4 тӱжем теҥге наре ешарат, ий еда индексироватлат);

- пӧртым шотышто кучымылан, капремонтлан, тыгак социальный илыме вер наемлан тӱлымӧ пел акшым пӧртылтат;

- погылан: пачерлан, пӧртлан, гаражлан - налогым тӱлаш огеш кӱл. Тыгай льготым кажне тӱрлӧ объект гыч иктыжлан: икганаште ик пачерлан, ик пӧртлан, ик гаражлан - пуат ;

- куд сотык мландылан налогым огыт тӱлӧ. Налогым тылеч кугурак кумдык гыч гына шотлат;

- ветеран-влак, пенсийыш лекмек, служба жапыште пеҥгыдемдыме ведомственный поликлиника ден больницылашкак коштын кертыт;

- боевой действий ветеран-влак шкаланышт келшыше жапыште отпускыш каен да 35 кече пашадарым арален кодыдымо отпускым налын кертыт;

- пашам пуышо кӱшеш профессиональный шинчымашым да ешартыш профессиональный образованийым налаш йӧнышт уло.

Кӧ СВО участникын ешыжлан шотлалтеш?

1. Официальный ватыже але марийже (мутлан, ӱдырамаш спецоперацийыш медсестралан каен гын).
2. Пашам ыштен кертдыме ийготыш шушо ача-аваже але тудым ончаш налше-влак (инвалид да пенсионер-влак).
3. Ача-аваже укелан кӧра кум ий деч шагал огыл ончышо кова-кочаже.  
4. Тудым вич ий деч шагал огыл кугемдыше, а кызыт пашам ыштен кертме ийгот гыч лекше манда ачаже да манда аваже.
5. Ийготыш шудымо йочаже да 23 ийым темыдыме студент икшывыже.
6. 18 ийым темымеш, инвалидыш савырныше вуеш шушо икшывыже.  

СВО участник-влакын банк кредитыштым проститлат

Россий Правительство специальный военный операцийын участникше-влаклан полшымо у йӧн-влакым радамлен. Премьер-министр Михаил Мишустинын мутшо почеш, банк да сарзыеҥ, тудын пелашыже коклаште кредит договор шотышто обязательствым шӧрымӧ йӧным шукемдат. Боевой задачым шуктымылан кугыжаныш награда дене палемдыме але служба гыч уволитлыме СВО участник-влак шке парымыштым тӱлен пытарен кертыт. Нунылан вӱдлан, шокшылан, газоснабженийлан, электроэнергийлан жапыштыже тӱлыдымӧ оксам да тыгай паша дене исполнительный сборым огыт тӱлыктӧ.  

«Правительство ты законын проектшым ямдылен. Кугыжаныш Думысо коллегына-влакат тудым писын каҥашен налыт манын ӱшанена», - каласен Михаил Мишустин.

Российыште 2024 ий 1 декабрьыште эше вес закон вийым налын. Тудын дене келшышын, эн шагалже идалыклан контрактым ыштыше СВО участник-влак да нунын ешышт 10 миллион теҥге марте кредит порысыштым списатлен кертыт.

Тидлан парымым тӱлымӧ шотышто судебный акт вийым налын, кредит организаций исполнительный документым пуэн але финанс компанийын йодмыж почеш 2024 ий 1 декабрь марте исполнительный производствым тӱҥалме лийшаш. Икымше тылзыштак тыгай йӧн дене икмыняр еҥ пайдаланен, нунын шотышто исполнительный производствым чарыме, палдареныт Суд пристав-влакын федеральный службыштын республикысе управленийжын пресс-службыштыжо.

Исполнительный производствым чарыме шотышто йодмашым шке намияш, лишыл еҥ-влак гоч, электрон почта дене колташ але «Госуслугиште» йодмашым возаш лиеш. Ты йодышым +7(347)272-16-46 телефон дене рашемдыман.