Пытартыш корныш ужатышна

Сарыш кайымешке, тудын ӱмыржӧ Октябрь ял дене кылдалтын. Тӱҥалтыш школышто, Старокуктово селасе кыдалаш школышто да 86-шо ПТУ-што тунемын. Армий гыч служитлен пӧртылмеке, Антон «Племзавод «Урожай» ООО-што тӱрлӧ пашам шуктен.

2022 ий 18 октябрьыште мобилизаций почеш специальный военный операцийыш каен. 2024 ий 1 июльышто боевой заданийым шуктымо годым тудын ӱмыржӧ кӱрылтын. Землякнам Мужество орден дене наградитленыт.

Красный Октябрь ялын шочшыжо дене чеверласаш ял калык веле огыл, тыгак родо-шочшыжо, йолташыже, палымыже, туныктышыжо-влак, район вуйлатыше, военный комиссар, Афган сарыште, моло согышышто лийше еҥ-влак погыненыт. Чеверласыме митингыште нуно, ава-ачажын, пелашыжын, шочшыжын ойгыштым лош ыштен, Руслана пелашыжлан, Ирина ден Альбертлан чаманымашым ойленыт. Тыге Антоным пытартыш корныш, курымашлык шарнымашыш ужатышна. Чеверын, Антон, узьмакыште кошт! Кийыме мландет пушкыдо лийже.