СВО гыч шокшо салам!

«Мыланна тыгай пӧлекым - кӱлешан да пайдале книга-влакым - колташ шонен мумыжлан, кылым кучен шогымыжлан кугу тау. Ме тудын шочмо йылмылан, марий тӱвыралан шӱман улмыжым пеш чот аклена. Арамлан огыл жапыштыже Йошкар-Олаште Марий кугыжаныш университетыште шинчымашым погыш да ик жап журналистланат ыштен шуктыш. Тудланат, СВО-што улшо моло рвезе-влакланат тазалыкым, коштмо корныштышт ыҥгайлыкым тыланена», - каласыш мутланымына годым Ардаш школын шочмо йылмым туныктышыжо Н.Д. Байдимирова.

А мый ты амал дене эше ик историйым шарналтышым. Ӱдырамаш пайрем годым ты ялыштак илыше педагогика пашан ветеранже Е.А. Аптулмановалан кугу пеледыш аршашым пӧлекленыт. Икымше туныктышыжлан тыгай сюрпризымат тунам тиде рвезак ыштен да пеледыш аршашыжым тора гычак заказ почеш колтен улмаш.