Калтаса район Тошто Яш ялыштат тыгай суапле сомылым тарватеныт. Эртыше идалыкыште СВО-што улшо землякыштлан шийвундо дене полшеныт гын, у ийысе кужу каныш кече-влак деч вара, клуб зданийыште чумырген, блиндажыште, окопышто пайдаланаш сорта-влакым ямдыленыт (снимкыште). Тушто нуно салтак-влаклан моткоч кӱлешан улыт. Тиде сомылыш клуб пашаеҥ дене пырля ышташ кумылан ялче-влакат ушненыт. Материалжымат ситареныт - калай банкым, картоным, парафиным - муыныт, налыныт. «Тек СВО-што кредалше салтак-влак мемнан шӱм шокшынам, нунын пелен улмынам, полыш кидым шуялтымынам шижыт», - ойла клуб пашаеҥ Л. Шакирьянова.