Тушто начар тазалыкан икшыве-влаклан Нефтекамск оласе реабилитаций рӱдерын, тудын йӱдвел-кечывалвел районласе филиалже-влакын воспитанникышт, тыгак профсоюз ушемыште улшо пашаеҥ-влакын икшывыштат усталыкыштым ончыктеныт. Йоча-влак специальный военный операцийын участникше-влаклан серышым возеныт, открыткым ямдыленыт. Ӱдыр-рвезе-влак серышыштышт чыла салтаклан мӧҥгӧ таза-эсен пӧртылаш тыланеныт, нуным чон вургыжын вучымышт нерген увертареныт. Конкурсышто сеҥыше ден призер-влак 16-17 декабрьыште республикысе тӱҥ профсоюзный У ий пайремыш миеныт.