СВО-н участникше-влаклан да ешыштлан полыш

Икшыве-влаклан

Нелашан ӱдырамашлан, изи икшывым пукшышо авалан, медицина темлыме годым кум ияш марте икшыве-влаклан «Шӧр кухньо» гыч шӧр-торыкым тугок пуат. Кочкышым пуэдыме лишыл пунктыш але МФЦ-ш йодын мийыман.

СВО участник-влакын идалыкат пел ийым эртыше икшывыштлан йочасадыште черет деч посна верым пуэн кертыт, йочасадыш кондыштарыме акым тӱлыман огыл. Тений гыч тыгай икшыве-влакым илыме пӧртышт лишнырак верланыше йочасадыш кусараш йӧным ыштыме. Образований пӧлкаш йодын мийыман.

Тунемше-влакым нунылан йӧнанрак школыш кусараш лиеш. Кочмылан, продленный тӱшкаш, кугыжаныш але муниципальный кружокыш да секцийыш коштмылан оксам огыт тӱлыктӧ. Школ вуйлатыше дек йодын мийыман.

Школым тунем лекше ӱдыр-рвезе-влакын, аттестатысе кокла баллым шотыш налде, колледжыш бюджет верыш тунемаш пураш правашт уло. Тунемаш пураш ойырен налме специальность дене испытанийым эртыме годым положительный результатым шотыш налыт. Икшывым коммерческий гыч тугок тунемме группыш кусараш лиеш. Специальностьшо дене бюджет вер уке гын, тунемме акым сертификат дене тӱлат. Ссузлаште тунемше-влакын тугок кочкаш да тӱшкагудышто илаш правашт уло. Тунемме заведенийын вуйлатышыж дек йодын мийыман. 

СВО участник-влакын ийготыш шудымо икшывышт кеҥеж лагерьыште тугок канен кертыт (путевкым верысе администрацийын образований пӧлкаже ойыра), нуным спорт секцийыш (секцийыш йодын мийыман) налшаш улыт, оласе да пригородный автобуслаште тылзылан 60 гана тугок каяш лиеш (ты льгот дене 23 ияш лийме марте пайдаланаш йӧн уло, тунемме организацийын вуйлыкшо дек йодын мийыман). Льгот дене оласе маршрутлаште пайдаланен, а школышто тунемше-влак ола воктенсе маршрутлаштат (ола гыч 50 километр марте кайыман да район кӧргысӧ маршрут-влак) коштын кертыт. 

Финанс йодыш

СВО участник-влакын да ешыштын тыгай правашт уло:

Ик машиналан 100 процент марте транспорт налогым тӱлыдымаш. Льготым автоматически шотлат.

Кредит каныш, вес семын каласаш гын, ик жап кредитым але займым тӱлыдымаш. Кредитым пуышо банкыш йодын мийыман.

ЖКХ-лан жапыштыже тӱлен огытыл гын, пеним тӱлыдымаш. Льготым автоматически шотлат.

Шӱкым наҥгайымылан тӱлыдымаш. Регоператорлан йодмашым возыман.

Пӧртым ырыкташ пум налме акын 90 процентшым тӱлыман огыл. Чодыра озанлыкыш йодын мийыман.

«Жилстройсбережений» программын льготан условийже. Счетышто погынышо оксам бюджет премийге шке кӱлешлан тичмашнек налын, штраф деч поснак программа гыч лектын да вара уэш пурен кертыт. «Шокшо линийын» телефонжо - +7(347)285-00-97.

Рынкысе деч ӱлышрак ак дене льготный илыме вер. Документым БР Илыме вер программым илышыш шыҥдарыме шотышто управлений пога. Телефонжо: +7 (347)218-17-46.

Ял вер-шӧрыштӧ пӧртым чоҥаш але пачерым налаш сертификатым ончычрак налын кертыт. СВО-н участникше але ешысе иктаж еҥже «Башкортостан Республикысе ял вер-шӧр-влакым комплексно вияҥдымаш» программын участникше лийшаш. Шке районысо администрацийыште йодман.

Пӧртыш газым пурташ 100 тӱжем теҥгеаш сертификат. Калыклан социальный полышым пуышо республикысе рӱдер ГКУ-н филиаллашкыже але МФЦ-ш мийыман.

Кугыжаныш тӱвыра учрежденийлаш (музей, театр, филармоний да молат) билетым 50 але 100 процентлан шулдынрак налаш. Кассыште йодман.

Тыгак:

Башкирийыште илыше-влак, мутлан, шкеныштын фермыштым але шкеныштын бизнесыштым почаш кугыжаныш деч грантым налыныт, но 2022 ий шыжым частичный мобилизаций дене СВО-ш каеныт гын, грантын условийжым шуктыдымылан мутым огыт кучо. Грантым налме ведомствышто йодман.

Ешын регионысо але федеральный полышым налаш йодмашыжым аклыме годым СВО участникын парышыжым шотыш огыт нал. Российын социальный фондышкыжо але социальный полышым пуышо учрежденийлаш йодын мийыман.

Илышыште кӱлшӧ полыш

У специальностьым налаш образовательный сертификат. Паша верым муаш полшышо рӱдерыште йодман.

Санаторийыш 14 кечылан тугок путевка. Тудым лишыл еҥлан пуаш але коктын 7 кече канаш лиеш. Икшыве-влакланат санаторийыш тугок путевкым пуат (медицина показаний улмо годым йоча поликлиника гоч). Ойырен налме санаторийыште льготым оформитлымаш (республикысе чыла санаторно-курортный учреждений ушнен).

СВО участникын ешыж гыч пенсий ийготыш шушо але инвалид еҥ-влаклан, тыгак ийготыш шудымо икшывым куштышо ава-влаклан социальный услуга кӱлеш гын, мӧҥгышкышт тугок миен полшат. «Шокшо линийыш» 8-800-775-00-14, Калыклан социальный полышым пуышо республикысе рӱдерыш (Уфа, Менделеев урем, 136/2) +7(347)286-51-05 номер дене йыҥгыртыман але Госуслуги гоч оформитлыман.

Илышыште тӱрлӧ кӱлешан полыш. Волонтер-влак йодшо еҥын оксаж дене, мутлан, аптека гыч эмым але кевыт гыч кочкыш-йӱышым конден, пум шелыштын, лумым куэн коден кертыт. Шаймуратов лӱмеш штабыш +7(800)201-89-03, Самырык-влакын кугыжаныш комитетыштын штабышкыже +7(927)311-23-55 номер дене йыҥгырташ лиеш. 9.00 гыч 18.00 шагат марте пашам ыштат.

Паша верым кычалме годым посна полыш. Паша верым муаш полшышо рӱдерыште йодман.

Юридический да психологический тугок полыш. Шке илыме верысе телефон номерым ситуационный рӱдерыште рашемдыман.

Кӧ СВО участникын ешыжлан шотлалтеш?

1. Официальный ватыже але марийже (ӱдырамаш-влакат медсестралан але поварлан СВО-ш каят).
2. Пашам ыштен кертдыме ача-аваже але ончаш налше еҥже-влак (инвалид да пенсионер-влак).
3. Ача-аваже укелан кӧра кум ий деч шагал огыл ончен куштышо коча-коваже.
4. Вич ий деч шагал огыл ончен куштышо, кызыт пашам ыштен кертдыме изачаже, изаваже.
5. Ийготыш шудымо икшыве-влак, 23 ийым темыдыме студент икшыве-влак.  
6. 18 ийым темыме деч ончыч инвалидыш савырныше ийготыш шушо икшыве-влак.

Йодышда кодын гын, кушто рашемдыман?

Ситуационный рӱдерыш йыҥгыртыза:

122, ешартыш номер - 1;

+7(347)218-19-19 (кажне кечын 8.00 гыч 20.00 шагат марте пашам ыштат).

Але Башкортостан Республикым виктарыме рӱдерын телеграмысе чат-ботышкыжо возен колтен кертыда: https://t.me/MPodderzhkiBashkortostanBot.