Контракт служба нерген

Служитлыдыме-влакат контрактым ыштен кертыт

Контракт почеш военный службыш 60 ий марте пӧръеҥ-влакым, шуэн вашлиялтше специальностян-влакым 65 ий марте налыт. Срочный службым эртыдыме-влаклан тиде чаракым ок ыште, тӱҥжӧ - кокла але кӱшыл профессионал образованиян лийшаш улыт. Рядовой ден прапорщик-влаклан контрактын жапше эн шагалже куд тылзе, офицер-влаклан кумыт гыч вич ий  марте шуйна.  

Салтак-влаклан республикат шийвундым тӱла

Контрактник-влаклан тылзе еда тӱлымӧ пашадар 204 тӱжем теҥгеш (33 тӱжем окса довольствий, 4240 теҥге суточный, воинский должность почеш кок оклад - 40-70 тӱжем теҥге) шуэш. Контрактым ик ийлан да  утларак жаплан ыштыме годым 195 тӱжем теҥге единовременный выплатым пуат. Службышто ойыртемалтше сеҥымашлан: активный наступлений годым кажне суткалан 8 тӱжем, штурмовой отряд-влакын составыштышт ончыко кайыме кажне километрлан 50 тӱжем, Leopard, Abrams, Challenger танк-влакым, HIMARS пусковой установкым авалтен налмылан 1 миллион але нуным пытарымылан 500 тӱжем теҥгем - тӱлат. Тыгак Башкортостан Вуйлык Радий Хабировын пунчалже почеш, службым эртыме кажне 180 кечылан башкир добровольческий батальонышто кучедалше СВО-н участникше-влаклан 200 тӱжем теҥге дене тӱлат.    

Вашмутым лу минут жапыште пуат

Контракт почеш службыш каяш йодмашым сайлыме пунктын инспекторжо онча. Вашмутым, пунчалым луктын, лу минут жапыште пуат. Сайлыме пунктыш йодмаш пурымо деч воинский частыште контрактеш кидпалым пыштыме марте 2-5 сутка эрта. Тиде воинский частьын верланымыж деч шога. 

Льгото-влак ятыр улыт

СВО-н участникше да нунын ешыштлан ятыр федерал да республикысе льгота-влак улыт. 

Тиде военно-медицинский учрежденийлаште тугок шымлалтмаш, эмлалтмаш да реабилитаций, кредит ден налоговый каникул, йоча-влакын тунеммыштлан льгота (черет деч посна йочасад да тушто тугок кочмаш, тугок продленка, колледжыште тугок тунеммаш да тулеч моло), рынок ак деч шулдырак пачерым налмаш, санаторийла ден курортлаште тугок эмлалтмаш, йоча-влаклан тазартыме лагерьлаште тугок каныш, тыгак куд тылзылан кок арня шуйнышо тӱлалтше отпуск, 20 ий служба деч вара пенсий, «боевой действийын ветеранже» статус да тудын дене кылдалтше льгота-влак. 

Чыла уверым иквереш чумырымо  

Контракт служба шотышто лекше йодышым 177 единый справочный, тыгак 122 але (347) 218-19-19 телефон номер-влак дене ситуационный рӱдерын специалистше-влак деч але  МФЦ-ште рашемдаш лиеш. Чыла уверым тыгак башбат.рф сайтыште вераҥдыме.