+19 °С
Облачно
Еш - илыш негыз
7 Мая , 03:17
Йӧратыме ешем
Еш - илышын негызше. Кажне айдемын ешыже лийшаш. Еш деч посна илаш йӧсӧ. Ешыште икте-весым йӧратен, пагален, неле ден куаным лош пайлен илыман. Мый Шаран районысо Еммет ялыште илем.
Мария Ишкулаева йӧратыме аваже, кочаже, коваже, изаже да шӱжарже дене пырля. Еш архив гыч налме фото.
Мыйын ешем кугу: авам, изам, шӱжарем, мый, кочам, ковам да авамын шольыжо ден шӱжарже. Кочамын лӱмжӧ - Александр, тудлан кудло шым ий. Мылам кочам ачамым алмашта. Кочам дене суртвольыкым ончена, чодыраш емыжым погаш коштына. Мылам мом ачалаш кӱлеш - тудо чыла писын гына ыштен налеш. Рита ковамын ош тӱня гыч кайымыжлан ынде идалык утла лиеш. Мый тудым кызытат шарнен илем. Коваем мыйым сурт сомыллан да пакча пашалан туныктен. Авамже - Дина, тудлан 42 ий. Мыланна эре полшышо да мемнан верч тыршыше ӱдырамаш. Авам ургаш йӧрата. Ургымо пашалан утларакшым телым шуко жапым ойыра. Николай изам Уфасе речной училищыште нылымше курсышто тунемеш. Каныш жапыште ялыш толын коштеш, чӱчкыдын йыҥгырта. Анна шӱжарем латкок ияш, кудымшо классыште шинчымашым пога. Тудо ече дене устан куржталеш, эре призовой верым наледа. Шӱжарем дене келшен илена. Авамын шольыжо, Дмитрий, мӱндыр кундемыш пашаш коштеш. Таня шӱжарже пеш уста кондитер улеш. Шке пашажлан мемнамат туныкта: толмыж еда мом-гынат уым пален налына. Мый ешемым чот йӧратем да пагалем.
