Кугу еш пӧръеҥын сулжо ден вийжылан эҥертен ила

Тений февральыште республикын Общественный палатыже еш илышыште пӧръеҥын вержым каҥашен да эн сай ачалан «Отцовская доблесть» наградым пуымо шотышто конкурсым увертарен ыле. Кодшо арнян иктешлымашым ыштеныт. Сеҥыше 27 пӧръеҥ радамыш Шаран гыч Р.М. Галеев логалын.#детибашкириисчастье #башҡортостанбалалары

Радик Мурзабаевич Еммет ялеш шочын, 24 майыште 65 ийым темыме йыргешке

лӱмгечыжым палемден. Ачаже колхозышто бухгалтер лийын, аваже дояркылан ыштен. Рвезе Нурей кыдалаш школыш коштын, 9-ше класс деч вара Белебейысе ПТУ-што киномеханиклан тунемын, автошколым пытарен. 20 ий Шаранысе «Быт услугын пӧртыштыжӧ» шоферлан ыштен, предприятий петыралтмек, пожарный частьыш пашаш куснен. Чумыр паша стажше 48 ийыш погынен.

Радик Мурзабаевич ден Асылбика Идылбаевна 12 икшывым ончен куштеныт. Кугурак эргышт, Радик, ачаж гаяк райрӱдысӧ 96-шо пожарный частьыште водительлан ышта. Икшыве-влак шкештат ешаҥыныт, кандашыжлан Радик Мурзабаевич пӧртым чоҥен шогалташ полшен. Пелашыж дене кызытат яра огыт шинче, шке озанлыкыштышт сомылым виктарат. Тиде кӱкшӧ наградым шуко икшывым ончен куштымылан веле огыл пуэныт. Пӧръеҥын мер илышыштат чолгалыкшым акленыт. Селасе мероприятийлаште, тыште-тушто полшаш кӱлмӧ годым Радик Мурзабаевич эре ончыл радамыште лийын. Ече дене таҥасымаш-влакым нигунам ӧрдыжеш коден огыл. Арамлан огыл пӧръеҥым ешын вуйлыкшо маныт. Радик Мурзабаевич гай виян, пашам да икшывыже-влакым йӧратыше вуйлык веле тыгай кугу ешым пеҥгыдын йол ӱмбак шогалтен кертеш, кажныжлан илышыште верым муаш полша да пагалымашым сула.

Читайте нас:

Новости партнеров

Был стипендия кемдәргә түләнә?

На уровне молекул

Азык-төлеккә талон системасы кертелергә мөмкин

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».