Тату ешыште вич икшывым куштат

Кодшо арнян Башкортостан Республикын Вуйлыкшо Радий Хабиров шуко икшыван ава-влакым «Материнская слава» медаль дене наградитлен. Нунын коклаште Шаран район Акпарс ял гыч марий ӱдырамаш Л.В. Урсаеват лийын.

Людмила ден Алексей Урсаевмыт шуко ий пырля илат. Ешыштышт ача-авам вич йоча куандара. Артем эргышт нерген «Чолманыштат» возымо ыле. Кызыт тудо 13 ияш улеш, шымше классыште тунемеш. 9 ияш Валерия кумшо классыште шинчымашым пога, 6 ияш Русалина да 4 ияш Ирина йочасадыш коштыт, эн изи 2 ияш Есения аваж пелен пӧртыштӧ кодеш.

Тыгай кугу ешым ончаш, пукшаш-йӱкташ, сайын чикташ чот тыршыман. Суртоза Алексей пашалан пеш кожмак, кызыт Шаран селаште чоҥымо бригадыште тырша. А ӱдырамашын сомылжым суртышто чыват чӱҥген ок пытаре: Людмила вольыкым ончаш, кочкаш кӱкташат, арулыкым эскерашат жапым муэш. Вольыкымат шуко ашнат: вӱташте кум ушкал, кок ӱшкыж, кок презе, вич сӧсна, кролик да чыве-влак улыт. Кеҥежым шуко бройлер чывым, лудым, комбым ончен куштат. Пакчаште пареҥгым да моло емыжым ситышын шындат. Шылым кочкашат, утыжым ужалашат ситарат.

Ваш-ваш йӧратыше ешыште икте-весым пагалымаш озалана. Ты ешыште чылан келшен илат, кугурак изиракым туныкта, чыла сомылым пырля шуктат.

«Мыланна вич шочшан ава-ача лияш - кугу пиал да куан. Икшывына-влак верч эре тургыжланена, сай, ушан-шотан лийын кушкышт манын шонена», - каласыш Людмила Валериевна.

Снимкыште: Урсаевмытын тату ешышт. Авторын колтымо фото-влак.

Читайте нас:

Новости партнеров

Был стипендия кемдәргә түләнә?

На уровне молекул

Азык-төлеккә талон системасы кертелергә мөмкин

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».