1 октябрь - Илалше-влакын кечышт: Пырля илымыштлан - 45 ий!

Янаул районысо Новотроицк ял гыч вате-марий Шамкаевмытын пырля илымыштлан сентябрь тылзыште 45 ий темеш. Николай Тимофеевич - Атлегач ялын шочшыжо, 1950 ийыште шым йочан ешеш шочын. Школ деч вара вольыкым ончышылан ыштен, ветеринар врач пашам шуктен. Армийыште тудым «Воинская доблесть» медаль дене палемдыме. Ольга Зартдиновна - Калтаса районысо Торасола ӱдыр. Тудо пелашыж деч ик ийлан рвезырак улеш. Шке жапыштыже фермыште дояркылан ыштен. Коктынат Пашан ветеранже улыт. Нуно вич эргым йолӱмбак шогалтеныт. Лу уныка ден вич кугезе уныкалан йывыртен илат. Чыла икшыве ден уныка-влакын фотоштым пырдыжысе шагат йыр вераҥдыме.

Кызыт марийже ден ватыже коктын илат. Пӧрьеҥ вольыкым, мӱкшым онча, ӱдырамаш сурт сомылым тӧрла, а пакчасаскам эре коктын куштат. Тыгак тазалыклан пеҥгыдын шогат. Николай Тимофеевич нигунам кочывӱдым йӱын огыл, тамакымат шупшын огыл. Кеҥеж паша деч ярсымек, Николай павай кажне кечын куд меҥгым куржталеш, а Ольга кокай ден Ирина пошкудыжо тудым поктен ошкылыт. Шамкаевмыт газет ден журналым налыт, республикысе да элысе илышым пален шогат. Пошкудо да родо-шочшо дене келшен илат, каныш кечын да каникул годым уныка-влакым куанен вашлийыт.

Пагалыме Николай Тимофеевич да Ольга Зартдиновна! Еш пайремда вашеш поро тазалыкым, кужу ӱмырым тыланена. Икшыве да уныкада-влак тендам эре куандарышт.

Снимкыште: Ольга ден Николай Шамкаевмыт.
Авторын колтымо фото.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».